كيفكم اميرات مملكتنا الجميله ؟؟
ان شاء الله تكونو بخير
يلا ابغاكم تصحصحو معاي كويس هذا الموضوع
مهم جدا جدا ولازم تركزو الي بتاكل تترك الاكل
والي بتتفرج تجي هنا وانتي الي جالسه على الفيس او تويتر
خليك مركزه معانا وانتي شيافتك الي تصوري سناب طالعي هنا

<< معليش اعذروها الادميه تعبانه ومواصله دماغها فاصل

طيب نكمل احم موضوعنا اليوم هو عن نقاش مهم جدا من اجل المملكة
حتى ما تتعرض للاغلاق مثل قبل طبعا كلنا جينا هنا وانتظرنا
الفترة الطويله جدا هذيك عشان ترجع لنا مملكة الاميرات

ونجتمع فيها كلنا مثل قبل واكثر بعد عشان كذا يا اميراتي
حبيت ان هذا الكلام يجي ويوجه لكم من قبل اميره في المملكة
وليس انعم قطه ناقشتها بذا الموضوع وحبته جدا الحمد لله

طيب كلكم تقولو يا جانيت ليه هذي المقدمه الطويله هاتي الي عندك
وخلصينا . طيب بقولكم الموضوع ايش هو بس لازم تنتبهو معاي كويس
لانه موضوع مهم جدا ولازم كلنا نسعى لتحقيقه لان يد وحده ما تصفق
تعرفون هذا المثل صح ؟؟

اميراتي المملكة عشان تستمر تحتاجنا وتحتاج الدعم مننا يعني
مو بس انعم الي لازم تشتغل عليها من ناحية نشر او كتابة مواضيع
ابداعيه مواضيع تجذب اميرات جدد للتسجيل بمعنى ان لازم
على كل وحده مننا تحط ببالها ان هي المسؤوله عن ان المملكة تستمر

او تغلق مره اخرى وهذا الشي كلنا ما نبغاه طبعا عشان كذا انتبهوا يا اميراتي
الاشياء الي ابغاها منكم بسيطه جدا وما يحتاج تضغطي على نفسك فيها
كل الي تسوي انك تساهمي في المملكة بنشر مواضيع جميله ومنسقه
تعكس اسلوبك كاميره ما يحتاج تتكلفي لو كان التنسيق بسيط
حلو حتى تبيني اهتمامك بمملكتنا لان مملكتنا مميزة مثل ما تعرفون

وما شاء الله تبارك الله ناجحه جدا ولها منافسين كثر مثل ما تعرفون
فحتى نهزم المنافسين هذول نحتاج منكم يا اميراتي فقط القليل من الاهتمام بالمملكة
انعم ما شاء الله سهرت على هذا المشروع خمسة اشهر تقريبا او سته
ومثل ما شفتم اول ما تم الافتتاح كانت المملكة جاهزه وبها مواضيع
وكل شي هذا كله ما جا بشكل بسيط كان محتاج جهد وتعب وسهر

وكمان شايفين ان المشروع ( الابداع يبدا من فكره ) ضخم جدا وكبير
وكا محتاج سهر وتعب وكتابه وبرمجه ولا تنسو التصميم كمان اخذ وقت
بكل تاكيد من الواجهة الى اصغر جزء في الموقع هذا كله
كان محتاج وقت وجهد من انعم فهل يا اميراتي راح تضيعوا التعب هذا كله
من اهمال وعدم اهتمام بالمملكة ؟؟ مو معقوله والحمد لله انا عندي

ثقه كبيره جدا بكم يا اميراتي ومتيقنه انكم ما راح تخيبوا ظني فيكم
ابدا لانكم جربتم كيف لمن اغلقت المملكة وما نبغى نعيد هذي التجربه
المؤلمه مره ثانيه . ما اقولكم والله اضغطي على نفسك واهملي
كل شي وانتبهي للمملكة لا طبعا كلكم عندكم ظروفكم الخاصه

بس على الاقل في الاسبوع او اسبوعين ارينا ابداعك وهكذا
احم عاد خلصنا ذحين من الشي الي بقوله لكم

وجينا لنقطه مهمه وحماسيه وراح تحبوها اكيد بس تعالو هنا
خلونا نبعد عن انعم شوي لا تسمعني وانا اتكلم راح اروح فيها
*تكلم الاميرات بصوت خافت وتفضح المفاجئات*
حيكون فيه لنا موقع تواصل......

بعدوا بعدوا انعم جت يا ويلي يلا مع السلامه انا بشرد يا ويلي
*تجري وتضحك وانعم وراها لانها كانت بتفضح السر*
هههههههههههههههههههههههههههههههههههههههههههههههههههه

تحسبوني بقول لكم لا طبعا ههههههههههههههههههههههههههههههههههههه
احب اشوف الي قدامي مو عارف شي بين شخصين ويجلس يقولهم
هيا بعرف وصاحب السر يقول لا مفاجئة استنى
هههههههههههههههههههههههههههههههههههههههههههههههه

يعجبني شعور اني عارفه ههههههههههههههههههههههه
<< ترا بكاشه في مفاجئات كثيره ما تعرفها
<< اوووووص لا تفضحني اوف منك



طيب اميراتي اتمنى ان كلامي يكون وصلكم وانكم ما تخيبو
رجائي فيكم ابدا ابدا وتكونو قد المسؤوليه
انتم بس ادعمو المملكة بالقليل وراح تعطيكم الكثير وانتم
عارفين هذا الشي عن المملكة تعطي وما تطلب من احد شي
ولا تحب تكلف احد فوق طاقته بس هذي المره الوضع مختلف
لازم ما نهمل المملكة مثل قبل ونكون قد المسؤوليه والمكان الي احنا فيه

تحياتي \ الاميره جانيت